Algemene inligting oor ons blommetoere van 2009 Begeleide toere: Besonderhede van ons 2010 toere sal eersdaags beskikbaar wees. Dit sal dieselfde patroon volg as die 2009 toere, besonderhede waarvan hieronder aangetoon word. Ons is reeds ver gevorder met die beplanning van ons toere vir 2009 wat almal in Kaapstad begin en eindig. Soos in die verlede gaan ons weer klein, intieme toere doen en poog om met u te deel dit wat na ons mening een van die mooiste dele van die skepping is. Lengte van toer Ons gaan weer toere doen wat oor 3 of 6 dae strek. Vir die 3-dag toer probeer ons 'n naweek insluit. Dit gee diegene wat by die werk moet tyd afknyp kans om te deel in die pret. Op die 6-dag toer het ons tyd om dieper in Namakwaland in te vaar en sien ons ook 'n groter verskeidenheid blomme. Grootte van toergroepe Ons toergroepe is klein. Dit beteken ons kan persoonlike aandag aan almal gee. Die toere is tussen 4 en 8 mense op 'n keer. Etes en Akkommodasie Terwyl op toer, hou ons gereeld stil vir verversings. Daar is geen resaurante tussen die blomme nie en gevolglik is ons middagete iets ligs, selfs ook 'n piekniek tussen die blomme. Ons geniet wel 'n goeie ontbyt en goeie aandetes is 'n aangename afsluiting vir die dag. Ons akkommodasie is normaal in gastehuise waar u privaatheid belangrik is. Elkeen van die plekke wat ons besoek is werklik 'n bestemming in eie reg. 2009 toer datums Ons 2009 toere is beplan om op die volgende datums te vertrek: Drie-dag toere: 08 Augustus 2009 (vol bespreek) 23 Augustus 2009 28 Augustus 2009 12 September 2009 Ses-dag toere: 29 Julie 2009 (vol bespreek) 15 Augustus 2009 03 September 2009 Kliek hier vir meer besonderhede van ons 3 dag toere. Kliek hier vir meer besonderhede van ons 6 dag toer. Hoe om u plek te bespreek Kliek hier om u toer vir 2009 te bespreek. -of- Skakel ons by 082 349 3700 Betaling 'n Toer word slegs bevestig op ontvangs van 'n nie-terugbetaalbare deposito. Die totale toerkoste is betaalbaar op die laaste 10dae voor vertrek.